GEMA JUMAT, 14 JUNI 2019
Oleh : Nurjannah Usman
Assalamualaikum wareh seunaroe
Rakan meusahoe di Kuta Raja
‘Oh Lheuh puasa cuda ngoen adoe
Tamumat Jaroe bak uroe raya
Mate-mate geutanyoe mate
Gafan pih hase ngoen balot gata
Adak na harta tinggai di nanggroe
Tanyoe geupasoe dalam keureunda
Manyang that meugah gunong gurutee
Bak puncak kaye rangkang meu banja
Hudep lam donya hana jan tathee
‘Oh ban ka tathee tanyoe ka tuha
Kadang nyang mate tanyoe han teuntee
Pajan trouk wate tanyoe tabungka
Kadang syiet uroe hana ta the-the
Nyawong kalaye malaikat ba
Katinggai aneuk dengoen menintee
Katinggai jure dum asoe kama
Katinggai rumoh ngoen raga muge
Tinggai hai gure ngoen ija sutra
Hana nyang taba meusaboh jie
Meusaboh baje nyan baro sukla
Hana jeut taba dum ara katee
Ileume nyan thee jiikot sigra
Amai nyan ikot tanyoe hai gure
Sedekah gure teunte aneuk shale shaleha
Nyan na roh taba oh wate mate
Nyan laen lahe tinggai di donya
Allahu Allah tuhan nyang ade
Nikmat nyang lahe didalam donya
Nebri keu kamoe oh wate mate
Amai beuhase ratep bek lupa
Malam ka supot buleun deuh laye
Ateuh bak kaye tiong meu doda
Meumada oh no panton loen rate
Meah hai gure bak salah haba
Neuheun, 13 Juli 2019
