GEMA JUMAT, 19 APRIL 2019
Oleh : Nurjannah Usman
Assalamualaikum wareeh meu jeumba
Adoe ngoen kanda saleum bek tuwoe
Saleum neusambot ateuh kepala
Tanda saudara na ateuh bumoe
Meugah got laot disama dua
Ureueng meujemba kawee bak jaroe
Jinoe takisah pemilu teuka
Mandum saudara coblos sinaroe
‘Oh Lheuh pemilu bacut meuhaba
Keu saudara calon sinaroe
Calon presiden trouk depeerka
Mandum saudara na dalam peuto
Watee tapileh doa ta baca
Beu jioh sigra syaitan jak petoe
Jaroe gemat kertah geubuka
Mandum saudara geu syoup tan tuwo
‘Oh lheuh geu pungut mandum suara
Petugas sigra suara peusahoe
Geu hitung-hitung nyang ladom baca
Suara geubuka ladom mat spido
Beek karue-karue deungoen meudawa
Besna suara hitung bek tuwoe
Bek na yang taki atau meudawa
Tanyoe saudara lam kawasan Po
Mandum Neukalon nyan deuh dimata
Meunan saudara nyang pura tuwo
Hana pue sulet ngoen teupeudaya
Walau tateuka u dalam peutoe
Tahitung beu pah nyang na suara
Nyang beek meudawa sabee keudroe-droe
So-so nyang meunang dalam suara
Tanyoe saudara meu bek tameu lhoe
Pue nyang keputusan Allah Ta’ala
Geutanyoe hamba ikhlas dan rido
Nyan penteng do’a Aceh beujaya
Keu Indonesia doa beek tuwo
Jitoh ujeun teungoeh cot uroe
Tanyoe hai adoe basah ubena
Peu meu’ah dosa aduen ngoen adoe
Panton loen atoe hana meu banja
Labuhan Haji, 17 April 2019
