Gema JUMAT, 27 Mei 2016
Oleh: Nurjannah Usman
Assalamu’alaikum kawom saudara
Nyang na di kota atau di gampong
Nibak kali nyo ulon calitra
Soai puasa jino ta peu phom
Buleun nyoe syakban karap beeh teuka
Ingat saudara wahee e dekton
Padup uroe teuk teuka puasa
Tapeugleh dosa tapubuet rukon
Islam geulaknat nyang tan puasa
Pulom saudara nyang pubuet serong
Beingat-ingat tamita fahala
Lale puasa beek bak meunonton
Malam teuraweh buleun puasa
Uroe saudara Quran ta peu phoem
Tabeut Quran arti ta baca
Meubek saudara ta peu roen-roen
Leu that fahala tanyoe bang baka
Pulom tabaca ta khatam langsong
Lhee ploh puasa tahitong nyata
Fahala meugunca nebri le Rabbon
Asai nyang penteng beu ta puasa
Tamita fahala Allah neulindong
Siploh nyang keu phon hitoeng puasa
Allah bri rahmat ke mandum kawom
Dosa nyang ubeut maupun raya
Taubat besigra meubekle kiron
Siploh kedua wahee e syahra
Maghfirah serta neubri le Allah kadiron
Siploh nyang keulhee ci reka-reka
Apui neraka hana toe kawoem
Ubena dosa geu ampoen sigra
Nyang na puasa dari awai phoen
Memada ohnoe uloen calitra
Mandum saudara syiet ka muphoem
Saleum pamit ulon beot sigra
Nibak saudara nyang baca panton
Neuhen, 26 Mei 2016
