Ekonomi Rugoe

Assalamu’alaikum kawom sinaroe Lon beuot jaroe tanda mulia Lon tuleh panton keu wareh adoe Allah lon pujoe nyang peujeut donya Bak jameun jinoe meumacam bagoe Hudep meucawoe didalam donya Donya lam gasien ta kalon bagoe Hudep teuh phang phoe rakyat jeulata Adak na kerja di dalam nanggroe Rakyat deuek-deuek troe hana beulanja Nyang ka pegawai … Read more

...

Tanya Ustadz

Agenda MRB

Assalamu’alaikum kawom sinaroe
Lon beuot jaroe tanda mulia
Lon tuleh panton keu wareh adoe
Allah lon pujoe nyang peujeut donya

Bak jameun jinoe meumacam bagoe
Hudep meucawoe didalam donya
Donya lam gasien ta kalon bagoe
Hudep teuh phang phoe rakyat jeulata

Adak na kerja di dalam nanggroe
Rakyat deuek-deuek troe hana beulanja
Nyang ka pegawai ladom cut Putroe
Hudep tan gehgoe meupat beulanja

Meunyo hana peng di dalam jaroe
Hudep lam rugoe watee keunira
Hana le laba bak watee uroe
Di dalam peutoe dana ka hana

Negara gasien rakyat meutaloe
Uang lam nanggroe hana get lanca
Nanggroe tan aman utang meutaloe
Triliun lagoe utang negara

Bek keuh jipike keu aneuk nanggroe
Utang hana soe jak bayeu sigra
Geutanyoe rakyat bek that ta pakoe
Pike keu pruet droe pane beulanja

Pike keu eungkot sabe tiep uroe
Pike keu toko beuna soe jaga
Pike keu gaji keurija meu uroe
Beuna ngon tabloe campli ngon sira

Urusan politek kana soe hiroe
Geutanyoe adoe pike keurija
Kadang na gaji bak treb-treb sigo
Keubah lam jaroe untuk beulanja

Hudep produktif wareh sinaroe
Keurija lam nanggroe ube kuasa
Nyan peunteng haleue riba bek puwoe
Haleue sinaroe di rumoh tangga

Menyo tajeb eh leupie lam igoe
Nyan bakong asoe mangat meurasa
Haba lon peusep meumada ‘ohnoe
Meu’ah lon sidroe wahe pembaca

Neuheun, 18 Januari 2023

Dialog

Tafsir dan Hadist

Dinas Syariat Islam

Menghidupkan Ilmu-Ilmu Al-Quran

GEMA JUMAT, 09 JUNI 2017 Nuzulul Qur’an adalah suatu momentum di bulan Ramadhan yang sering diperingati oleh umat Islam untuk mengenang turunnya al-Quran. Penyebutan Nuzulul

Mensyukuri Keberkahan Amal

Gema, 04 Juli 2018 Oleh Dr. Sri Suyanta (Wakil Dekan I Fakultas Tarbiyah dan Keguruan UIN Ar-Raniry) Muhasabah 20 Syawal 1439 Saudaraku, di samping penguasaan

TAUBAT

GEMA JUMAT, 09 FEBRUARI 2018 Oleh: Dr. Munawar  A. Djalil, MA (Khatib Kepala Dinas Syariat Islam Aceh) Kita awali tausiah dengan sebuah pepatah: “Di dalam

Menuju Islam Khaffah

Tabloid Gema Baiturrahman

Alamat Redaksi:
Jl. Moh. Jam No.1, Kp. Baru,
Kec. Baiturrahman, Kota Banda Aceh,
Provinsi Aceh – Indonesia
Kode Pos: 23241

Tabloid Gema Baiturrahman merupakan media komunitas yang diterbitkan oleh UPTD Mesjid Raya Baiturrahman

copyright @acehmarket.id 

Menuju Islam Kaffah

Selamat Datang di
MRB Baiturrahman