GEMA JUMAT, 24 JANUARI 2020
Oleh : Nurjannah Usman
Assalamualaikum warahmatuhu
Saleum loen tuju kepada pembaca
Pembaca lagak ummi ngoen abu
Kamo bak dapu Redaksi Gema
Langet yang lambong mata uroe hu
Peungeh mesyehu ban sigom donya
Jino loen kisah ke korban sabu
Abeh mesyehu di Aceh dumna
Lagak-lagak bungoeng simulu
Menyoe kalayu gadoh wareuna
Lagak kaya ngoen peng meu sabu
Wate tok palu dalam penjara
Teuma laen lom nyang ‘uet-‘uet sabu
Aneuk mata hue mirah ngoen mata
Hana jituri poma ngoen abu
Asai beuradu jihamboe sigra
‘Oh wate malam supot segitu
Lampu hana hu ‘oh malam jula
Susah thah udep nyo ka keunong sabu
Hudep ka lesu tan le ceria
‘Oh wate uro pike keu sabu
Walau cemucue barang harus na
Beu jipetamong lam tuboh laju
Nyan keh sabu dijih ka hawa
Tuboh diatoe ka oleh sabu
Ban suboh bisu barang jimita
‘Oh wate malam ba lam keuleumbu
Mangat sigitu siagam gila
Nyan menan efek yang pakek sabu
Udep ka lesu reuloh agama
Hana jidengoe nasihat teungku
Ummi ngoen abu hana jiniet na
Peungeuh lam lampoh tapula labu
Pula bak siku lampoh ban sisilingka
Uloen meu haba kon atra palsu
Wahe eu teungku kon peuna-peuna
Ban kejadian pengedar sabu
Jiketok palu di Aceh Utara
Leu lom pat laen nyan kasus sabu
Kon haba palsu keu gura-gura
Jalan Gurutee tekongan siku
Lewat meururu moto ngoen honda
Ka sep keuh ‘ohno haba keu sabu
Laen jan teuku tasambong teuma
Neuheun, 23 Januari 2020
