GEMA JUMAT, 22 FEBRUARI 2019
Oleh : Nurjannah Usman
Subhanallah loen pujoe Tuhan
Nyang peujeut alam ngoen manusia
Nyang peujeut batee puteh ngoen hitam
Nyang peujeut hewan ubeut ngoen raya
Nyang peujeut ureueng luwa ngoen dalam
Cantek ngoen tanpan Allah yang cipta
Nyang peujeut hatee puteh ngoen hitam
Ureueng yang tham beek peu buet dausa
Jinoe loen kisah keu perbuatan
Ladom meuangan bangun toko meu banja
Tapi nyang meuheut dalam karangan
Mesjid bangunan sidroe pengusaha
Mesjid nyang indah lam pekarangan
Contoh teladan keu tanyoe dum na
Keu pengusaha ngoen yang hartawan
Mudah-mudahan geu contoh sigra
Binteh meu ukee deungoen kuningan
Lagak hana ban dalam ngoen lua
Indah bak kurma ngoen rumoh manyang
Lagak kon wayang mandum seureuta
Ngoen interior gaya timuran
Menara manyang lagak that rupa
Watee tapandang miyub ngoen manyang
Meu angan-angan Nabawi nama
Neubri ya Allah umu beupanyang
Hudep beu seunang ngoen keluarga
Neubri beu hudep dalam lindungan
Neubri ya Rahman matee bahgia
Neu ampon dausa Uroe ngoen malam
Harun tasayang beutroek ban cita
Geutanyoe laen seunang koen wayang
Mesjid kenangan Lamseupeung desa
Buleuen ji lhoh ditempat manyang
Pengeuh hana ban keunoe lam donya
Meumada ‘ohno haba loen karang
Watee laen jan tasambong teuma
Banda Aceh, 20 Februari 2019
