Bek karu
Oleh: Nurjannah Usman
Alhamdulillah bak phon hikayat
Saleum lon ucap diawai mula
Saleum lon tuleh tanda horeumat
Jaroe tamumat lewat media
Mangat u muda ie jih mameh that
Kulet tasayat asoe muijimba
Jino pemilu pih kalheueh sahbat
Tinggai petupat padup suara
Watee bak tashop TPU tempat
Ureueng meusarat pileh pemimpin bangsa
Talo ngon menang nyan bak hadharat
Geutanyoe rakyat pileh nyang Bena
Oh lheh pemilu geutanyoe rakyat
Bek pakat-pakat pake ngon dumna
Hana manfaat nyang na mudharat
Walau haye that han peuta bangga
Terimong naseb ka ‘oh nan surat
Suara rakyat jibri keu gata
Han payah beungeh seureuta upat
Walau muslihat janji jipileh gata
Janji yoh dilee mameh muslihat
Han payah ingat ta roe ie mata
Oh nan teukeudi gata hai sahbat
Nyan muslihat peu nyang ka nyata
Sinoe lam donya hudep teuh siat
Han peu takarat nyo hana ridha
Hana tepileh gata lam surat
Menan muslihat Allah taala
Jimesu cicem si deh blah barat
Sajan meusapat sijudoe dua
Panton ka abeh Haba ka mupat
Jinoe lon rehat me’ah peumbaca
Neuheun, 15 Februari 2024
