Gema Jum’at, 29 April 2016
Oleh : Hasbi Burman
Assalamu’alaikum tangtung geumilang
Agama Islam tapeu kong teuma
Seubab lawet nyou seu akan guyang
Meuguncang guncang bade bencana
Dalam sya e nyou lon peu et peusan
Inong ngon agam bek peu buet desya
Beuna tapateh nyang suroh Tuhan
Peudong seumbahyang deungon puasa
Ngon laen laen beu tameu iman
Pakon lam badan iman teuh hana
Bek lale gadoh mengon ngon syetan
Geutanyo Islam irayu goda
Bagi peumimpin pih ulon peusan
Keupeu neu reugam anggaran negara
Le that koropsi ban sigom alam
Meu kuyan kuyan ji uet le buya
Leubeh bahaya buet koropsi nyan
Peng rakyat awam keupeu neu saba
Meubacut tanle takot keu Tuhan
Berdendang sayang ngon peng negara
Rap rata peurte pie lagee nyan
Kucing-kucingan deungon KPK
Ho ho tadeu ngo dum meunan macam
Pakon lagee nyan di Indonesia
Adak di Aceh pih meu nan macam
Rame ureung pham lagee nyan cara
Rakyat lam nanggroe ka habeh mumang
Ngan blou maka nan meuada kala
Oh nou keuh dilee lagee peuneusan
Simak e rakan tuha ngon muda
Nyang peunteng jinoe tajaga Islam
Agama Tuhan Allah Ta’ala
Banda Aceh, April 2016
