Ulon mulai Assalamualaikum
Saleum lon sambong wahe syeedara
Haba peingat jinoe lon puphon
Keu bhah hukom Islam nyang lima
Keubit that ceudah sitangke bungong
Leumpah meukenong si bungong jeumpa
Wajeb seumbahyang agam ngon inong
Hana pue bingong wahe syeedara
Bak Israk mi’raj nabi terimong
Sembahyang limong wajeb keurija
Walau leu that buet di dalam eumong
Tinggai beulangong nyo katrok masa
Nyang mekat baje bak kaki limong
Agam ngon inong tuha ngon muda
Nyang mekat mie geu peh beulangong
Tinggai hai dek nong uroe ka asa
Hana pue lale syaitan peu bingoeng
Kenong han kenong tanyo ji goda
Ji goda sabe tanyoe beu linglueng
Sembahyang limong bek ta keurija
Bek ta peturot ingat keu jawong
Agam ngon inong tanyo tabungka
Beudoh sembahyang jaga nyang limong
Asai meu jawong didalam donya
Ceudah buleun limong blah keunong
Mata meukeunong ta kalon cahya
Haba ka abeh syair ka puntong
Neu peu meu’ah lon wahe syeedara
Neuheun, 11 Maret 2021
